"WoWoman in me" xanımlara gündəlik həyatları və peşəkar karyeralarında sahibkarsayağı yanaşma tərzi ilə proaktiv lider olmağı öyrənməkdə lazım olan inam, mühit və real imkanları təmin etmək üçün təşkil olunmuş xüsusi proqramdır. (Ətraflı)

Sahibkarlıq proqramları çərçivəsində iştirakçıların biznes ideyalarının ən dəyərli layihələrə çevrilməsi və onların reallaşması naminə çalışırıq. Rəqəmsal Marketinq proqramları isə xanımlara məhsullarını onlayn təqdim etmək üçün lazımi vasitələr və təməl bilikləri aşılayır

HR proqramı üçün o qədər istək almışdıq ki, nəticədə kamilliyə birgə yüksələyəcəyimizə inanaraq ötən il layihəyə start verdik. Ölkənin peşəkar təlimçiləri ilə birgə təşkil etdiyimiz "Pro in Projects" proqramımız isə layihələrin idarə edilməsi sahəsində ən qabaqcıl proqramlardan biri olmuşdur

Biz inkişafda olmağı və yeni formatda layihələr icra etməyi sevirik. Kinomotoqrafiya kursunda kamera ilə yaxından tanış olduq və hekayələrimizi lentə almağı öyrəndik, jurnalistika təlimində isə informativlik və ilhamlandırma arasında balansı saxlamağı öyrəndik, Zumba dərslərində əylənərək rəqs etdik, "Tea Talk" layihəsi çərçivəsində isə motivasiya kitabları və onların müəllifləri ətrafında müzakirələr etdik. Əlbətdə ki, bu hələ son deyil!